周永恒家暴兼偷食，一手破壞自己嘅家庭，令老婆趙頌茹(阿Yu)身心受創，第三者劉依靜(Ruby)事發後都係潛水，除咗喺微博回應下淫照相中人非自己之外，都冇露過面回應，佢依家亦身在外地避風頭，不過噚日就瘋傳一張whatsapp對話相，電話號碼係Ruby嘅，內容係佢自稱Roy嘅經理人，仲想襯家暴兼偷食事件，想出席活動坐地起價添，說好的分手呢?原來手就分咗，生意拍檔照做?
連日來都有記者喺fb大爆，其實早知周永恒偷食，不過一直冇影到佢兩個單獨行街，反而Ruby就「融入家中」，經常出現喺Roy嘅家庭活動，4個人變5個人，真係太迫啦。
今日凌晨時份，就有網民po咗張周永恒同Ruby嘅相，仲話地點係下白泥?乜Ruby唔係喺新加坡咩?該網民話張相係幾個月前影嘅，不過最近睇新聞睇到眼火爆就放上嚟。
睇真啲，當日Ruby嘅衣著，仲帶住佢隻愛狗「冬甩」，同佢喺5月25號嘅一張自拍相，係100% match嘅，佢自拍當日嘅沙地，亦都似係白泥喎，仲寫住:「難得好天氣•帶冬甩遊玩去」佢除咗帶住愛狗，原來仲帶埋周永恒，不過單獨約會都咁明目張膽自拍放上網，真係學黃子華話齋:「若要人不知」...
Post a Comment